Краіна: Беларусь Жанар: мастацкі фільм па кнізе Васіля Быкава Працягласьць: 01:13:16
Рэжысэр: Рычард Віктараў
Ролі выконваюць: Станіслаў Любшын - Пазьняк, Георгі Жжонаў - Жоўтых, Надзея Семянцова - Люся, Ігар Камароў, Юры Дубровін - Крывёнак, Леанід Давдаў-Субач, Уладзімер Пракоф'еў, Яўген Гвозьдзеў
Пра фільм: Вялікая Айчынная вайна на Беларусі. Артылерыйскі разьлік трое сутак адрэзаны ад сваіх. Лёс зьвёў у адным акопе розных людзей, якім трэба адбіць першую танкавую атаку фашыстаў. У цяжкія часіны і сьмяротнай небясьпецы выяўляюцца сапраўдныя чалавечыя характары... Першая экранізацыя твораў Быкава. Васіль Быкаў атрымаў Дыплём кінафэстывалю Прыбалтыйскіх рэспбулік, Беларусі і Малдавіі за сцэнар да фільму ў 1964 годзе.
Краіна: Беларусь Жанар: дакумэнтальны Працягласьць: 00:30:35
Пра фільм: Часам прыродныя анамаліі ды кліматычныя зьмены былі прычынамі неўраджаю. Пад час голаду беларусы харчаваліся жалудамі, шчаўем і карою дрэваў. Але галоўнаю страваю галодных гадоў была лебяда. Менавіта гэтая расьліна сталася сымбалям голаду. У 1932, 1933, а таксама 1934 гадах надвор’е спрыяла ўраджаю. Але вясною 1934-га грамадзяне БССР наеліся лебяды, а некалькі дзесяткаў тысяч беларусаў не перажылі красавіка. Што здарылася тады, на пачатку 1930-х гадоў? Чаму ў сельскагаспадарчай краіне голад забіў тысячы людзей, а тыя, хто перажыў лебядовыя гады, лічылі гэта за шчасьце?
Краіна: Беларусь Жанар: Філязофска-гістарычны гатычны дэтэктыў-прыпавесьць паводле аднайменнага раману Ўладзімера Караткевіча Працягласьць: 01:45:07
Рэжысэр: Валер Рубінчык
Ролі выконваюць: Барыс Плотнікаў, Алена Дзімітрава, Альбэрт Філозаў, Раман Філіпаў, Барыс Хмяльніцкі, Валянціна Шэндрыкава, Аляксандар Харытонаў, Ігар Клас, Уладзімер Фёдараў, Марыя Капніст
Пра фільм: Гран-пры на І МКФ дэтэктыўных і таямнічых фільмаў “Містыфэст” ў Католіку (Італія, 1980). Адмысловы прыз журы “за лепшую другаплянную жаночую ролю” В.Шэндрыкавай на Х МКФ фільмаў жахаў і навуковай фантастыкі ў Парыжы (Францыя, 1980). Адмысловы прыз журы ІV МКФ у Манрэалі (Канада, 1980). Дыплём на ХІХ МКФ навукова-фантастычных фільмаў у Трыесту (Італія, 1981). Дыплём фільму на МКФ “Фільмэкс” у Лос-Анджэлесе (ЗША, 1981). Гран-пры на МКФ містычных і навукова-фантастычных фільмаў у Брусэлі (Бэльгія, 1983)
Для даведніка Фільмы жахаў. Энцыкляпэдыя самага страшнага:
Напрыканцы ХІХ стагодзьдзя малады этнограф Андрэй Беларэцкі (Барыс Плотнікаў) прыяжджае ў стары палац, што ў Балотных Ялінах. Гаспадыня палацу (Алена Дзімітрава) – апошняя з роду Яноўскіх, над якім вісіць праклён “дзікага паляваньня караля Стаха”. Але прывіды зь мінулага маюць плоць і кроў…
Экранізацыя знакавага раману Ўладзімера Караткевіча выклікала папрокі гісторыкаў і незадавальненьне самога аўтара (які на карціне быў сцэнарыстам). Рэжысэр Валер Рубінчык стварыў самастойную, адстароненую мэлянхалічную прыпавесьць.
Туманы, дажджы, падмарожаная гразь багны (знойдзеная на вайсковым палігоне!), халодна-сінія калідоры палацу, кроў ахвяры на сьнезе – абсалютная візуальная дасканаласьць (апэратарка Логінава, мастак Чартовіч) і тапаграфія соннай душы. А слынная сцэна дзікага паляваньня зьнятая са зьменаю колераў і ў рапідзе – каб перадаць вязкі кашмар перасьледу.
Самыя “караткевічаўскія” кадры ў рамане адсутнічаюць і прыдуманы рэжысэрам: падае ссохлае дрэва, паляваньне забівае батлейнікаў, вар’ятка Кульша (Шэндрыкава) апранае старажытныя шаты. І нат сцэна закопваньня аголенай Яноўскай у пух (здымкі 1979 году!) – няпраўда з гледзішча сюжэту і этнаграфіі – працуе на містыка-філязофскую атмасфэру стужкі.
Ахвяраю гэтай атмасфэры стаецца дэтэктыўная дынаміка: героі ня столькі кантактуюць паміж сабою, колькі заглыблены ў летаргію – слухаюць страхі свайго сэрца й занураюцца ў трывожную музыку (пранізьліва-гулкі шэдэўр Яўгена Глебава).
Вытокі фільму не ў літаратуры і не ў гісторыі.
Страшныя маскі прывідаў – гэта Еранім Босх; сутоньні палацу – Роджэр Корман (хаця здымачная група ніводнай стужкі амэрыканскага караля B-movie ня бачыла; для абавязковага прагляду былі – забароненыя ў СССР Хічкок і Палянскі).
А маркотлівае надвор’е, поўнае тугі страхаў, мог бы зьняць Фэдэрыка Фэліні, нарадзіся ён у Беларусі.
Краіна: ЗША Жанар: мастацкі фільм, крымінальны баявік Працягласьць: 01:36:35
Рэжысэр: Рычард Донэр (Richard Donner)
Ролі выконваюць: Брус Ўіліс (Bruce Willis), Мос Дэф (Mos Def), Дэвід Морс (David Morse)
Пра фільм: Паліцыянт (Брус Уіліс) мае простае, на першы погляд, заданьне – даставіць зьняволенага зь паліцэйскага пастарунку ў суд. Дарога займае ўсяго 16 кварталаў. Аднак, па дарозе высьвятляецца, што злачынец мае пасьведчыць супраць паліцыянтаў, а тыя гэтага зусім не жадаюць. Заданьне раптам вельмі ўскладняецца...
Краіна: Беларусь Год: 1967 (адноўлены ў 1989) Жанар: Экранізацыя славутага аднайменнага твора Ўладзіміра Караткевіча з удзелам аўтара Працягласьць: 01:22:11
Рэжысэры: Уладзімір Бычкоў, Сяргей Скварцоў
Ролі выконваюць: Леў Дураў, Ілля Рутбэрг, Леў Круглы, Аляксей Смірноў, Павал Кармунін, Любоў Румянцава, Вячэслаў Броўкін, Данатас Баныёніс і інш.
Пра фільм: Экранізацыя твора Уладзіміра Караткевіча "Хрыстос прызямліўся ў Гароднi". Расейская версыя фільму вядома пад назвай "Житие и вознесение Юрася Братчика".
У гэтага фільма нялёгкі лёс. Яму давялося адчуць ня сябе бязлітасныя нажніцы, якія выразалі з жывога цела "крамолу". Ён быў асуджаны і 22 гады праляжаў на паліцы да 1989 года. Але яго копію закупіў Ватыкан.
Ён перажыў смерць свайго аўтара - незабыўнага Ўладзіміра Караткевіча.
.......
У старадаўнія часы голаду і татарскіх набегаў акцёр-сатырык Юрась Братчык з'яўляецца перад народам у абліччы Хрыста, і народ верыць у цуд.
Гэтым вырашае скарыстацца хітры манах Басяцкі. Юрася і яго сяброў - "апосталаў" арыштоўваюць па загадзе кардынала, грыміруюць, апранаюць у адпаведныя адзенні і выводзяць да народа.
Галодны люд пачынае маліць пра хлеб, і Юрась вядзе натоўп да засекаў багацеяў.
Збегшы ад кардынала, Юрась з сябрамі хаваецца ў жаночым манастыры. З дапамогай народа яны разбіваюць і татараў, і войска кардынала.
Не, гэта не толькі агучка. А якасьць - сапраўды дрэнная - 212x158 - на снапшоце - зыходныя памеры. Якое было. У гэтым фільме самае цікавае - гук. Наўрацьці мае сэнс рабіць 750mb, як на http://www.torrent.by/topic/71/
Пра фільм: Нашае жыцьцё прасякнутае любоўю. Гэтае сьветлае пачуцьцё трымае разам мільярды людзей. Стасункі паміж бацькамі й дзецьмі, шчырае неперадузятае сяброўства, юнацкае авантурнае захапленьне й неперможная шлюбная вернасьць... Напярэдадні Калядаў халасты прэм'ер-міністар працінаецца каханьнем ў абліччы сваёй сакратаркі; айчым нарэшце знаходзіць агульную мову з сынам на глебе юначага каханьня да дзяўчыны са школы; пісьменьнік, паранены здрадай, едзе ў Францыю й у возеры сустракае сваю любоў; шараговая супрацоўніца шараговай фірмы ня можа прызнацца ў каханьні да свайго калегі; у той час бос гэтае фірмы паддаецца спакусам свае сакратаркі, губячы шлюб; малады хлопец, моцна закаханы ў дзяўчыну свайго найлепшага сябра, губляе розум пасьля іх вясельля; ну і рокер, які напрыканцы жыцьця ўсьведамляе, што нікога ніколі не любіў, апроч свайго тоўстага мэнэджэра. Усе гэтыя пачуцьцевыя лініі сплятаюцца і дасягаюць эпагею ў калядны вечар.
Я тут выказваў толькі сваё асабістае меркаваньне. Але, калі некаму сапраўды патрэбна - чаму не ?
Можна паспрабаваць нават у гэтай галіне пытацца хто што шукае, і таксама, што ёсьць, але няма часу/магчымасьцяў пакласьці на торэнт. Будзе шмат допісаў - створым асобны разьдзел.
