Налады пошуку (Старонка 50 з 53)

Краіна: Беларусь
Жанар: дакумэнтальны
Працягласьць: 00:32:40+00:29:41

Рэжысэр: Сяргей Ісакаў

Пра фільм: Першы ў гісторыі дакументальны фільм пра Станіслава Булак-Балаховіча – першага генерала Беларускай Народнай Рэспублікі і генерала польскага войска. За часам ягонага жыцця, як і пасля трагічнай смерці, адныя лічылі яго наймітам і авантурыстам, іншыя – пакутнікам і героем.

Вайсковую кар’еру ён пачаў у расейскай кавалерыі падчас І сусветнай вайны. Пасля яе заканчэння аказаўся на баку «чырвоных». А потым са сваім палком перайшоў да «белых». Змагаўся за незалежную Эстонію. У 1920 г. наладзіў стасункі з урадам БНР і папрасіў прыняць яго «на беларускую службу». На другі год польска-бальшавіцкай вайны разам са сваймі беларускімі аддзеламі Булак-Балаховіч прабіўся на польскі бок фронту і ўзяў удзел у абароне Варшавы летам 1920 г. Пасля заключэння замірэння паміж Польшчаю і Савецкаю Расеяй на чале добраахвотніцкай арміі перайшоў польска-расейскую мяжу на Палессі ды здабыў Мазыр, дзе абвесціў сябе «начальнікам беларускай дзяржавы». Аднак пасля цяжкіх баёў ягоная армія мусіла адступіць на тэрыторыю Польшчы, яе расфармавалі, а жаўнераў інтэрнавалі.

У 1939 г. генерал ізноў апрануў мундзір і другі раз у сваёй кар’еры вайскоўца бараніў Варшаву, гэтым разам – ад гітлераўскай навалы. Паводле афіцыйнай версіі, яго застрэлілі гестапаўцы ў акупаванай польскай сталіцы ў траўні 1940 г.

Аўтары першага ў гісторыі дакументальнага фільму пра Станіслава Булак-Балаховіча шукаюць адказу на пытанні, кім насамрэч быў, за што змагаўся і як загінуў генерал, трагічна звязаны з гісторыяй беларусаў і палякаў, – наш супольны герой.

Мова: беларуская

Памер: 346mb+348mb
Відэа: Xvid, 704x576, 25 fps, ~1340 kbps, ~1500 kbps
Аўдыё: 48 kHz, MP3 Stereo, ~128 kbps

снапшоты 1
снапшоты 2

Краіна: Італія
Жанар: гістарычны, прыгоды
Працягласьць: 02:04:55

Рэжысэр: Джавані Пастронэ / Giovanni Pastrone

Ролі выконваюць: Lydia Quaranta (Cabiria), Umberto Mozzato (Fulvio Axilla), Bartolomeo Pagano (Maciste), Italia Almirante Manzini (Sofonisba), Teresa Marangoni (Croessa),  Alexandre Bernard (Siface), Vitale De Stefano (Massinissa),  Raffaele Di Napoli (Bodastoret), і інш.

Пра фільм: Легендарны эпік, адзін з першых, калі ня самы першы блёкбастэр, які і сёньня зьдзіўляе сваймі кінематаграфічнымі знаходкамі.
Створаны рэжысэрам Джавані Пастронэ паводле сцэнару знакамітага Габрыэле Д'Анунцыё, чыё імя  было скарыстана маладым рэжысэрам у якасьці лякаматыву для прасоўваньня фільму.
Сюжэт разгортваецца на тле падзей Другой Пунічнай вайны, і ўтрымлівае вывяржэньне вулкану, выкраданьне галоўнай гераіні (у дзіцячым узросьце) фінікійскімі піратамі, продаж яе на нявольніцкім рынку жрацу Малоха, цудоўнае выратаваньне з вогненнай пашчы статуі-ахвярніка, а  таксама - змаганьні, змовы, пляненьні і ўцёкі, гераізм, здрады, сьмяротныя небясьпекі і, вядома ж, каханьне...

Пасля вывяржэння вулкану дзяўчынка Кабірыя ("народжаная ў агні") разам са сваёй карміцелькай была захоплена карфагенскімі піратамі. На рынку рабоў іх набыў вярхоўны жрэц Ваала для ахвярапрыношання. Карміцелька паспявае папярэдзіць рымскага патрыцыя Фульвіуса Аксілу, які разам са сваім верным рабом асілкам Мачыстэ вызваляе дзяўчынку. Пакуль Ганібал пераходзіць Альпы, Кабірыю забірае царэўна Сафанізба, а Мачыстэ пакутуе ў карфагенскім палоне...

КАБІРЫЯ была не першай, але найбольш знакамітай гістарычнай стужкай эпохі нямога кіно. Фільм каштаваў вельмі значныя грошы  - 1 250 000 лір.
Падчас здымак спатрэбілася руплівая пабудова гістарычных дэкарацый для масавых сцэн у Храме, а таксама ўдзел тысяч статыстаў. Гэтая гістарычная меладрама была выканана ў духу маладога італійскага экспансіянізму, але ўтрымлівала і першыя элементы рэалізму. Сцэнар быў напісаны вядомым і таленавітым літаратарам Габрыэле Д'Анунцыё, што яшчэ больш прыцягнула ўвагу публікі.

Прэм'ера адбылася 18 красавіка 1914 года ў Рыме з арыгінальным музычным суправаджэннем ("Сімфонія агню"). Затым фільм прадэманстравалі ў Амерыцы, Францыі, Японіі і г.д. КАБІРЫЮ паўсюль будзе  суправаджаць гучны поспех.

Асаблівую цікавасць стужцы надае ўдзел  знакамітай дзівы (Італіа Манзіні) і сапраўднага грузчыка Барталамэа Пагано, першага Мачыстэ ў гісторыі кіно.
КАБІРЫЯ моцна паўплывала на сусветны кінематограф: амерыканскі ("Неталерантнасць", "Бэн-Гур"), нямецкі ("Метропаліс") і французскі ("Напалеон").
Цалкам адноўленая і нармалізаваная версія.

Спэцэфэкты для гэтага фільму выкананы Сэгунда Дэ Шамонам.
Працягласьць карціны на прэм'ерным показе ў 1914 г. складала 185 хв. Фільм быў рэстаўраваны і нармалізаваны ў 1990 г.
Арыгінальныя італьянскія інтэртытры прафэсійна перакладзеныя на беларускую мову ў манэры, максымальна набліжанай да стылю Габрыэле Д'Анунцыё.

Мова:  беларускія інтэртытры

Памер: 718mb
Відэа: Xvid, 720x480, 29.97 fps, ~693 kbps
Аўдыё: 48 kHz, MP3 Stereo, ~96 kbps

снапшоты

Краіна: Беларусь
Жанар: мастацкі фільм па кнізе Васіля Быкава
Працягласьць: 01:13:16

Рэжысэр: Рычард Віктараў

Ролі выконваюць: Станіслаў Любшын - Пазьняк, Георгі Жжонаў - Жоўтых, Надзея Семянцова - Люся, Ігар Камароў, Юры Дубровін - Крывёнак, Леанід Давдаў-Субач, Уладзімер Пракоф'еў, Яўген Гвозьдзеў

Пра фільм: Вялікая Айчынная вайна на Беларусі. Артылерыйскі разьлік трое сутак адрэзаны ад сваіх. Лёс зьвёў у адным акопе розных людзей, якім трэба адбіць першую танкавую атаку фашыстаў. У цяжкія часіны і сьмяротнай небясьпецы выяўляюцца сапраўдныя чалавечыя характары...
Першая экранізацыя твораў Быкава. Васіль Быкаў атрымаў Дыплём кінафэстывалю Прыбалтыйскіх рэспбулік, Беларусі і Малдавіі за сцэнар да фільму ў 1964 годзе.

Мова: расейская

Памер: 698mb
Відэа: Xvid, 640x480, 25 fps, ~1151 kbps
Аўдыё: 44.1 kHz, MP3 Stereo, ~128 kbps

Здымкі экрана Паказаць

Працягласьць: 00:53:38

Пра фільм: Фільм паказвае падзеі выбарчай кампаніі  2006 году пададзены вачыма беларускай моладзі, навучэнцаў гуманітарнага ліцэю імя Якуба Коласа.

Мова: беларуская

Памер: 257mb
Відэа: Xvid, 320x240, 25 fps, ~511kbps
Аўдыё: 44.1 kHz, MP3 Stereo, ~128 kbps

снапшоты

Краіна: Беларусь
Жанар: Філязофска-гістарычны гатычны дэтэктыў-прыпавесьць паводле аднайменнага раману Ўладзімера Караткевіча
Працягласьць: 01:45:07

Рэжысэр: Валер Рубінчык

Ролі выконваюць: Барыс Плотнікаў, Алена Дзімітрава, Альбэрт Філозаў, Раман Філіпаў, Барыс Хмяльніцкі, Валянціна Шэндрыкава, Аляксандар Харытонаў, Ігар Клас, Уладзімер Фёдараў, Марыя Капніст

Пра фільм: Гран-пры на І МКФ дэтэктыўных і таямнічых фільмаў “Містыфэст” ў Католіку (Італія, 1980). Адмысловы прыз журы “за лепшую другаплянную жаночую ролю” В.Шэндрыкавай на Х МКФ фільмаў жахаў і навуковай фантастыкі ў Парыжы (Францыя, 1980). Адмысловы прыз журы ІV МКФ у Манрэалі (Канада, 1980). Дыплём на ХІХ МКФ навукова-фантастычных фільмаў у Трыесту (Італія, 1981). Дыплём фільму на МКФ “Фільмэкс” у Лос-Анджэлесе (ЗША, 1981). Гран-пры на МКФ містычных і навукова-фантастычных фільмаў у Брусэлі (Бэльгія, 1983)

Для даведніка Фільмы жахаў. Энцыкляпэдыя самага страшнага:

Напрыканцы ХІХ стагодзьдзя малады этнограф Андрэй Беларэцкі (Барыс Плотнікаў) прыяжджае ў стары палац, што ў Балотных Ялінах. Гаспадыня палацу (Алена Дзімітрава) – апошняя з роду Яноўскіх, над якім вісіць праклён “дзікага паляваньня караля Стаха”. Але прывіды зь мінулага маюць плоць і кроў…

Экранізацыя знакавага раману Ўладзімера Караткевіча выклікала папрокі гісторыкаў і незадавальненьне самога аўтара (які на карціне быў сцэнарыстам). Рэжысэр Валер Рубінчык стварыў самастойную, адстароненую мэлянхалічную прыпавесьць.

Туманы, дажджы, падмарожаная гразь багны (знойдзеная на вайсковым палігоне!), халодна-сінія калідоры палацу, кроў ахвяры на сьнезе – абсалютная візуальная дасканаласьць (апэратарка Логінава, мастак Чартовіч) і тапаграфія соннай душы. А слынная сцэна дзікага паляваньня зьнятая са зьменаю колераў і ў рапідзе – каб перадаць вязкі кашмар перасьледу.

Самыя “караткевічаўскія” кадры ў рамане адсутнічаюць і прыдуманы рэжысэрам: падае ссохлае дрэва, паляваньне забівае батлейнікаў, вар’ятка Кульша (Шэндрыкава) апранае старажытныя шаты. І нат сцэна закопваньня аголенай Яноўскай у пух (здымкі 1979 году!) – няпраўда з гледзішча сюжэту і этнаграфіі – працуе на містыка-філязофскую атмасфэру стужкі.

Ахвяраю гэтай атмасфэры стаецца дэтэктыўная дынаміка: героі ня столькі кантактуюць паміж сабою, колькі заглыблены ў летаргію – слухаюць страхі свайго сэрца й занураюцца ў трывожную музыку (пранізьліва-гулкі шэдэўр Яўгена Глебава).

Вытокі фільму не ў літаратуры і не ў гісторыі.

Страшныя маскі прывідаў – гэта Еранім Босх; сутоньні палацу – Роджэр Корман (хаця здымачная група ніводнай стужкі амэрыканскага караля B-movie ня бачыла; для абавязковага прагляду былі – забароненыя ў СССР Хічкок і Палянскі).

А маркотлівае надвор’е, поўнае тугі страхаў, мог бы зьняць Фэдэрыка Фэліні, нарадзіся ён у Беларусі.

Мова: расейская

Памер: 1599mb
Відэа: Xvid, 688x512, 25 fps, ~1925kbps
Аўдыё: 48 kHz, MP3 Stereo, ~192 kbps

Здымкі экрана Паказаць

Выдавецтва: Конрос-інформ, СПб
Дата выхаду: 2007
Мова: расейская

Памер: 15mb