Добры дзень!
Мы абнавілі тэхнічную частку Баравіка і працягваем працаваць над бяспекай і зручнасцю форуму.
Чаму трэба змяніць пароль?
Мы перайшлі на больш надзейны спосаб захоўвання пароляў. Пасля паспяховага ўваходу стары фармат захоўвання пароля аўтаматычна абнаўляецца. Вы таксама можаце змяніць пароль у сваім профілі.
Новы пароль павінен змяшчаць не менш за 12 знакаў і як мінімум тры з чатырох катэгорый: малыя літары, вялікія літары, лічбы і спецыяльныя знакі.
Карыстальнікі, чые паролі яшчэ захоўваюцца ў старым фармаце, паступова атрымліваюць паведамленні па электроннай пошце. У лісце будзе пазначана дата, да якой трэба абнавіць пароль. Калі гэтага не адбудзецца, праз 60 дзён пасля прыёму ліста паштовым серверам стары пароль будзе адключаны. Пасля гэтага доступ можна будзе аднавіць праз электронную пошту.
Што змянілася на сайце?
Мы крыху абнавілі інтэрфейс, захаваўшы звыклы выгляд Баравіка. Палепшылі чытальнасць паведамленняў, палі і кнопкі, навігацыю з клавіятуры і адлюстраванне на мабільных прыладах.
Таксама форум перайшоў на абноўленую версію PHP. Гэта дапамагае падтрымліваць сайт у працоўным стане і атрымліваць актуальныя выпраўленні бяспекі.
Калі заўважыце памылку або нешта будзе працаваць нязручна, паведаміце нам. Дзякуй, што застаецеся з Баравіком!
