1 Тэма ад fin

(10 адказаў, апублікавана ў Фільмы на роднай мове)

right

Краіна: Беларусь
Жанар: драма
Працягласьць: 1:28:42
Рэжысэр: Андрэй Кудзіненка
Сцэнар: Аляксандар Качан
Апэратар: Павал Зубрыцкі
Кампазітар: Андрэй Волкаў
Прадусары: Аляксандар Дэбалюк, Андрэй Кудзіненка, Сяргей Арцімовіч

Ролі выконваюць: Аляксандар Колбышаў, Анатоль Кот, Аляксандар Маўчанаў, Сьвятлана Зелянкоўская, Любоў Румянцава, Ігар Дзянісаў, Алена Сідарава, Андрэй Курэйчык, Іван Шатко, Мікалай Прылуцкі, Ігар Пстыга, Ганна Пінкевіч, Андрэй Кавальчук, Аляксандар Цімошкін, Генадзь Фамін, Павал Савельеў

Пра фільм: "У Беларусі нарэшце зьняты паўнавартасны эўрапейскі фільм. Карціна Андрэя Кудзіненкі "Акупацыя" вяртае беларускае кіно да спрадвечнай і амаль забытай мэты мастацтва - зьдзіўляць, ачышчаць, агаломшваць. Выклікаць катарсыс. "Акупацыя" радыкальна розьніцца ад млявых беларускіх гісторый апошніх часоў. Фільм вылучаецца моцнай і сьвежай рэжысурай, пазначанай аўтарскай пазыцыяй....
Карціна ўражвае пранізьлівым і суворым гуманізмам. Рэдка кіно размаўляе так, але гэтыя імгненьні найкаштоўнейшыя. Нельга не адзначыць віртуозную працу гукарэжысэра й кампазытара Андрэя Волкава, які то жартуе акордамі з вэстэрнаў, то агортвае нас трывожнаю, амаль містычнаю атмасфэраю. Апэратар Павал Зубрыцкі стварае ілюзію кінастужкі, хаця фільм зроблены на лічбавым відэа; лёгкая камэра, панарамы і вывераныя статычныя кадры. Сучасная апэратарская кінамова. Можна сказаць, што ў фільме ёсьць кадры зацягнутыя; што НКВДзіст-ісламіст (!) - гэта празьмернасьць; што лішнімі выглядаюць цытаты зь Бібліі - архетыпічныя сытуацыі гавораць за сябе самі, - але ўсё гэта ня можа сапсаваць карціны.
Андрэй Кудзіненка іранічна гуляе з мовамі. Беларускія рэплікі дублююцца "карэктнымі" расейскімі тытрамі: "А голас як у дупе волас" - "И голос тоже не очень". "Я хацеў, каб людзі адчулі сакавітасьць беларускай мовы", - кажа рэжысэр. Карціна надзвычай кінэматаграфічная, насычаная мітамі й размовамі пра кіно. Мільгаюць фатаздымкі Любові Арловай і Марлен Дзітрых, чуюцца сьпевы зь "Вясёлых хлопцаў" (сьпявае паліцай).Фільм Андрэя Кудзіненкі - гэта моцнае гульнявое й арыгінальнае эўрапейскае кіно зь беларускім акцэнтам і тварам, з крынічнай хваляю беларускае акавіты. Шчэ на стадыі здымак карціна была запрошаная на прэстыжны Ратэрдамскі фэстываль, што адбудзецца ў студзені. Некалькі маскоўскіх відэакампаній, якія выпадкова пабачылі "Акупацыю", б'юцца за правы на яе продаж...

"Акупацыя" пачынаецца з правакацыйнага сьцьверджаньня: "Пяцьсот гадоў таму яны ня ведалі, што яны беларусы, але іх дзяржава была найбольшай у Эўропе. Калі яны даведаліся пра гэта, у іх ужо не было дзяржавы. Сто гадоў іх лічылі недаробленымі рускімі. Потым дваццаць гадоў - непаўнавартаснымі палякамі. Яшчэ два гады - савецкімі. А потым пачалася вайна і акупацыя. Пасьля іх беларусаў засталося зусім мала. Цяпер у беларусаў ёсьць дзяржава. Але іх саміх ужо няма".

Фільм даказвае адваротнае самым радыкальным чынам - празь незабыўную мастацкую вобразнасьць, празь сьцьвярджэньне сапраўднага беларускага кіно.

Акупацыі беларускай душы болей не існуе. Беларускае кіно пачынаецца" ("Наша Ніва"  №43 за 2003 год).

Мова: беларуская, польская, расейская

Памер: 1,21 Гб
Відэа: MPEG-4 Video (DX50), 708x408, 25 fps, ~900kbps
Аўдыё: 48 kHz, MPGA Stereo, ~192 kbps

Здымкі экрана Паказаць
right
right
right
right
right

Перайсці да форуму: Фільмы на роднай мове

2 Тэма ад fin

(1 адказаў, апублікавана ў Іншыя(музыка, аўдыё))

right

Жанар: Хрысьціянская музыка
Год: 2009
Краіна: Беларусь
Мова: беларуская
Бітрэйт: 56Kbps
Фармат: MP3
Памер: 30МБ

Сьпіс трэкаў:
1. ГРОДЗЕНСКАЯ КАПЭЛА "Магутны Божа " (М. Равенскі - Н. Арсеньнева)
2. TESAURUS "Гісторыя" (М. Пташнікаў - М. Клімаў, В. Мартыненка)
3. Інэса ЛЕАДАНСКАЯ (Дэмбская) "Хрыстос васкрос" (І. Леаданская - Я. Купала)
4. ПСАЛЬМЯРЫ "Вечна жыві, мая Беларусь" (муз. і словы В. Яткоўскага)
5. АРМАГЕДОН "Армагедон" (М. Пташнікаў - М. Пташнікаў, М. Клімаў, В. Матыненка)
6. СОНЦА ПРАЎДЫ "Усходзіць сонца"
7. Алеся УНУКОЎСКАЯ "Зоркі далёка" (муз. і словы А. Унукоўскай) (жывы гук)
8. ПАРТЫZАНСКАЯ ШКОЛА "За свабоду" (П. Макартні - Г. Лабадзенка, В. Зыблюк)]
9. TESAURUS "Дзе Ты?" (М. Пташнікаў - М. Пташнікаў, М. Клімаў, В. Матыненка)
10. DVA "Ты вядзі за Сабой" (М. Стрычэнка - А. Грачоў)
11. НЕБАСХІЛ "Весяліся" (муз. і словы А. Унукоўскай)
12. TESAURUS "Асэнсаваньне веры" (М. Пташнікаў - В. Матыненка)
13. ПСАЛЬМЯРЫ "На Беларусі Бог жыве" (З. Пятроўскі - У. Караткевіч)
14. Андрусь МЕЛЬНІКАЎ "Гэта мы!" (муз. і словы А. Мельнікаў)
15. АРМАГЕДОН "Наступны крок" (М. Пташнікаў - М. Клімаў, В. Матыненка)
16. ХРЫСЬЦІЯНСКІЯ СЬПЕВЫ "Чакае Цябе Беларусь"
17. DVA "Дух Сьвяты" (А. Грачоў - А. Унукоўская)
18. ХРЫСЬЦІЯНСКІЯ СЬПЕВЫ "Па сьвяжынцы роснай"
19. СЯБРЫ "Ave Maria" (І. Лучанок - З. Пазьняк)
20. Хор Брацтва ТРОХ ВІЛЕНСКІХ ПАКУТНІКАЎ "Ойча наш" (кананічная малітва)
21. TESAURUS "Ерусалім" (В. Козел, М. Пташнікаў, А. Крышчановіч - Р. Барадулін)

Дадатковыя зьвесткі:
Год таму група энтузіястаў-вернікаў (праваслаўных, каталікоў і пратэстантаў) вырашыла сабраць на адным кампакт-дыску найлепшыя беларускамоўныя хрысьціянскіе сьпевы. (Дзіўна, што ў хрысьціянскай краіне Беларусі да гэтага дайшло толькі цяпер). І калі спачатку арганізатары сумняваліся, ці набярэцца такіх хітоў хаця б на адзін музычны альбом, дык ужо праз два месяцы ва ўнушальнай фанатэцы апынулася больша за 1000(!) адпаведных кампазыцыяў. Часта творчасьць аднаго гурта не выходзіла на рамкі касьцельнай ці баптысцкай грамады; іншыя ж сьпевы перапяваліся па-свойму адразу некалькімі канфэсіямі.

50 адабраных паводле строгіх крытэраў хітоў прайшлі ратацыю ў 10 хрысьціянскіх фокус-групах (адпаведна, праваслаўный, каталіцкай, грэка-каталіцкай, баптысцкай, поўнаэвангельскай - і г.д.) - і вернікі самі адабралі 21 найлепшы сьпеў. Трэба адзначыць, што на гэтым этапе канкурэнцыі ня вытрымалі й вылецелі са "складанкі" такія раскручаныя кампазыцыі як "Матка Боска Вастрабрамска" з "Народнага Альбому", "Ісус" "Мясцовага Часу", Крамаўскі "Анёл" - але засталіся мацнейшыя.

Найбольш хітовымі выканаўцамі вернікі прызналі гурты "Тэзаўрус", "Псальмяры", "DVA" і Алесю Унукоўскую. Пра сэнсавы ўзровень можна меркаваць паводле аўтарства тэкстаў - тут і Янка Купала ("Хрыстос Уваскрос"), і Рыгор Барадулін ("Ерусалім"), і Уладзімір Караткевіч ("На Беларусі Бог жыве"). Пачынаецца "Беларускі Хрысьціянскі Хіт", вядома, гімнам "Магутны Божа" у выкананьні Гарадзенскай капэлы; завяршаецца - харавым "Ойча наш" (праваслаўны хор Брацтва Трох Віленскіх Мучанікаў). Сярод выканаўцаў - вядомыя барды Андрэй Мельнікаў, Інэса Леаданская. Аўтарства некаторых хітоў адшуканых у глыбінцы, устанавіць не ўдалося - яны практычна сталі народнымі.

Яшчэ адна безумоўная вартасьць "Беларускага Хрысьціянскага Хіта" – у тым, што многіе сьпевы (напрыклад, "Магутны Божа", "Весяліся", "Чакае Цябе Беларусь") - рэальна паліканфэсійныя, і выконваюцца як на праваслаўных фэстах, так і ў касьцёле, і падчас пратэстанцкіх набажэнстваў.

Апроч гэтага, "Беларускі Хрысьціянскі Хіт" выконвае вельмі важную справу б е л а р у с і з а ц ы і беларускіх хрысьціянскіх асяродкаў. Пры панаваньні царкоўнаславянскай мовы ў прыходах РПЦ, польскім уплыве ў Касьцёле, дамінаваньні расейскай сярод пратэстантаў "Беларускі хрысьціянскі хіт" можа даць моцны штуршок да духовага й нацыянальнага адраджэньня.

Перайсці да форуму: Іншыя(музыка, аўдыё)

3 Тэма ад fin

(4 адказаў, апублікавана ў Дакументалістыка)

right

Год выпуска: 2008
Краіна: Беларусь
Жанр: дакументальны
Працяг: 46:29
Памер: 180 МБ
Пераклад: Не патрабуецца

Рэжысёр: Антось Цялежнікаў

Пра фільм: Да сёньняшняга дня тэма пасьляваеннага антыкамуністычнага партызанскага руху зьяўляецца белай плямай беларускай гісторыі. Аб падзеях тых дзён нам распавядаюць толькі кароткія архіўныя зьвесткі, а нешматлікія жывыя ўдзельнікі тагачасных падзеяў да сёньняшняга дня захоўваюць маўчаньне. Аб сюжэце дакумэнтальнага фільму расказвае ягоны рэжысэр, Антось Цялежнікаў:

А. Цялежнікаў: Фільм наш аснаваны на кнізе "Беларускі супраціў", якую напісалі гісторыкі Сяргей Ёрш і Сяржук Горбік. Кніга была створаная на падставе архіўных дакумэнтаў, мэмуараў, а таксама размоваў з апошнімі жывымі ўдзельнікамі тых падзеяў. Мы вырашылі гэтую кнігу ілюстраваць - зрабіць агульнадаступны сучасны дакумэнтальны фільм, які будзе візуальна адкрываць беларусам гэтую старонку гісторыі.

Задоўга да свайго выхаду на экраны стужка прыцягнула ўвагу беларускага КДБ. У канцы 2006 году на беларуска-польскай мяжы былі затрыманыя трое беларускіх студэнтаў, якія ўдзельнічалі ў здымках дакумэнтальнага фільму. Спэцслужбы канфіскавалі ў іх кампутары. Супрацоўнікі КДБ шукалі ў іх, між іншым, рабочыя матэрыялы да фільму аб беларускім антыкамуністычным супраціве.

Стваральнікі дакумэнтальнай стужкі не выключаюць, што беларускія ўлады пастараюцца ачарніць іх твор, таму заклікаюць кожнага, хто мае такую мажлівасьць, самому паглядзець і ацаніць фільм.

Аляксей: Вельмі верагодна, што па БТ пакажуць нейкі паклёпніцкі сюжэт, у які ўключаць кадры з нашай прэзэнтацыі або фільму. Але калі ўлады так зробяць, гэта будзе сьведчыць толькі пра тое, што мы выканалі сваю справу добра, стварылі нешта вартае. Калі ж улады так ня зробяць - тым лепш.

Стужка "Беларускі антысавецкі супраціў 1944-1957 гг." доўжыцца ўсяго 46 хвілінаў, але пададзеных ў ёй фактаў хапіла б на некалькі паўнамэтражных фільмаў. Дакумэнтальная стужка, дзякуючы добрай рэжысуры й рэалістычнай рэканструкцыі падзеяў, як сапраўдны трылер, трымае гледача ў напружаньні да астатніх сэкундаў.

Стваральнікі карціны пастараліся асьвятліць старонку гісторыі, якую ўлада доўгія гады скрывала ад беларускага грамадзтва. Яны зрабілі гэта нават нягледзячы на небясьпеку, якая ім пагражала. Фільм варты таго, каб зь ім пазнаёмілася шырокае кола беларускіх гледачоў. Ацэнку тагачасным падзеям няхай кожны дасьць сам.

Якасць: DVDRip
Фармат: AVІ
Відэа кодэк: DivX
Аудыё кодэк: MPEG Audio
Відэа: XVID 352x288 20.00fps 384Kbps
Аудыё: MPEG Audio Layer 3 44100Hz stereo 128Kbps

Здымкі экрана Паказаць
right
right

Перайсці да форуму: Дакументалістыка