Налады пошуку (Старонка 3 з 53)

Аповед пра прыгоды курынай сям’і Какошычаў. Тата Какошыч журналіст газеты Курыны кур’ер, для якой ён піша рэпартажы з усяго свету. У свае падарожжы ён бярэ ўсю сям’ю жонку, сына Янаша і дачушку Эму, якая яшчэ не вылупілася з яечка. Чытачы курынай газеты, але перадусім галоўны рэдактар спадар Індык чакаюць ад Какошыча новых і новых сенсацый. Але ж дзякучы цікаўнаму кураняці Янашу ў таты Какошыча ніколі не бракуе матэрыялу для рэпартажаў.

Памер: 2.4 GiB
Працягласьць: 7 сэрый па 8 хв.
Відэа : , 1920x1080 16:9, 25.000 FPS, 5 999 kb/s
Аўдыё : 48.0 kHz, , 132 kb/s

Мы стварылі адмысловы цыкл песень для выкарыстання ў дзіцячых садках на розныя святы і імпрэзы. Песні адмыслова вылучаюцца нескладанымі словамі і простымі мелодыямі, каб дзецям было лягчэй запамінаць і спяваць разам. Паспяхова апрабіраваны ў некалькіх садках Мінска)

Яшчэ адзін наш музычны кірунак – гэта беларускія кавер-версіі розных дзіцячых песень. Тут мы робім свае варыянты на вядомыя і папулярныя песні для дзетак замежных і беларускіх аўтараў. Спяваць будуць, як дзеці, так і дарослыя, вялікія і маленькія зоркі!

У нашых лакалізацыях мультсерыялаў, мы імкнёмся рабіць беларускамоўныя версіі уступных і завяршальных песень. Гэта дадае больш натуральнасці і павышае пазітыўнае ўспрыняцце беларускай версіі мультфільма. А яшчэ, дзеці проста вельмі любяць іх спяваць, бо гэта, звычайна, сапраўдныя хіты!

Развівальныя відэаролікі ў фармаце пластылінавай анімацыі мы пачалі ствараць з мэтай дапамагчы дзецям пазнаваць навакольны свет па-беларуску. Лагатып нашага канала – пачварка Гаварун – расказвае ў вясёлай форме пра колеры і геаметрычныя фігуры, знаёміць са свойскімі жывёламі і агароднінай.

«Любімчыкі» (Tiny Love) — гэта развівальна-забаўляльны мультфільм для самых маленькіх, створаны сусветнавядомым брэндам дзіцячых цацак Tiny Love як бонус да іх прадукцыі. Зацікавіць і будзе карысным дзеткам ад трох месяцаў да трох гадоў. «Любімчыкі» знаёмяць з навакольнымі прадметамі, формамі і колерамі, насычаныя песнямі і інтэрактыўнымі элементамі. Мультфільм атрымаўся настолькі ўдалы, што займеў мільёны ўдзячных гледачоў!

Малады егіпецкі рыбак і звычайны хлопец Папірус загадкавым чынам абраны багамі абараняць краіну ад злых сіл Сэта — бога вайны і знішчэння. З дапамогай чароўнага мяча і сяброў ён мусіць знайсці змрочную піраміду Омбас і вызваліць заступніка Егіпта — бога святла Гора! Неверагодныя прыгоды, выдатная маляваная графіка, узрушальны саўндтрэк і таямнічая атмасфера старадаўняга Егіпта!

Мультсерыял зняты па сусветнавядомай кніжнай серыі Свэна Нурдквіста. Пэтсан — гэта рассеяны стары, які жыве ў адзіноцтве на краі маленькай шведскай вёсачкі. Ён можа разумець гаворку сваіх свойскіх жывёл, любіць майстраваць і вынаходзіць. У Пэтсана ёсць вясёлы і гарэзлівы кот Фіндус. Разам героі трапляюць у мноства займальных, смешных і павучальных сітуацый.

Мультфільм прасякнуты дабрынёй, маляўнічымі краявідамі, прыгожай прамалёўкай персанажаў і выдатным саўндтрэкам!

Ліён-Чу, Гвізда і Гектар вандруюць па дзіўным свеце чароўных выспаў, якія маляўніча лунаюць у прасторы. На жыццё сябры зарабляюць паляваннем на цмокаў, праўда, не ўсе цмокі небяспечныя, дый і плацяць ім не заўсёды, але героі не адчайваюцца! Ліён-Чу – дужы і адважны волат, Гвізда – невысокі прайдзісвет, адказвае за планаванне і перамовы, а гарэзлівы памагаты сяброў Гектар — маленькі цмок, што ўмее размаўляць.

Мультсерыял вылучае выдатна прамаляваная фэнтэзійная атмасфера, характарныя персанажы, адсутнасць жанравай пафаснасці, і ўсё гэта шчодра аздоблена смачным саўндтрэкам, гумарам і дабрынёй!

Пасля смерці бацькоў маленькую Хайдзі да пяці гадоў выхоўвае цётка Дэт. Потым цётка адвозіць Хайдзі жыць у Альпійскія горы да дзеда – суровага і сварлівага, але нядрэннага старога. Праз некаторы час Хайдзі падманам забіраюць у Франкфурт, дзе яна павінна быць кампаньёнкай хворай дзяўчынцы Клары, прыкаванай да інваліднага крэсла.

Гісторыя Хайдзі прывабная не толькі яскравымі ландшафтамі, але і разуменнем таго, як дзеці бачаць жыццё і праяўляюць свае пачуцці. Мультсерыял выдзяляецца старанна прапрацаванай рэжысурай, ён па-сапраўднаму добры і глыбокі, а нязвыкла спакойны для сёняшняга гледача рытм апавядання, тым часам неймаверна зацягвае!

Там, сярод безлічы зорак ёсць маленькая планета пад назвай Окі-Докі. На ёй жыве прыязны зялёны прышэльц К’ю Клыпа 5, які любіць глядзець на зоркі і бавіць час з сябрамі. Для Аёечкі, Эдзі, Стэлы, Клёвіча і робата Брат-Ка на Окі-Докі таксама ніколі не бывае сумна! Клыпа імчыцца па галактыцы, каб дапамагчы заблукалым касмічным турыстам, вылечыць перагрэтыя планеты і, самае галоўнае, выявіць каштоўнасць сяброўства!

Пакаё – гэта цікаўны чатырохгадовы малы, апрануты ў блакітнае, які даследуе свет праз гульні і фантазію. Разам са сваімі сябрамі — жоўтай качкай Пата, ружовым сланяня Слоняй, сабачкай Лулай і іншымі — ён вучыцца карыстацца рознымі прадметамі, складае музыку, бегае навыперадкі і нават ладзіць конкурс на самы звонкі і заразлівы смех! А захопленыя гледачы — дзеці — дапамагаюць сябрам у гэтым, даючы слушныя парады.

Сто гадоў таму ў Савецкім Саюзе з'явілася адна з самых жорсткіх сетак прымусовых працоўных лагераў, перасяляючы і знішчаючы мільёны жыццяў.

Тым не менш, гісторыя «ГУЛАГу» застаецца ў значнай ступені непрызнанай і недакументаванай да сённяшняга дня.

Ад Масквы да крайніх межаў Усходняй Сібіры фільм дэталёва разглядае адну з самых жорсткіх пенітэнцыярных сістэм ХХ стагоддзя, якая пакінула глыбокі след у рускай нацыі.

У рэжысёры таленавітага рэжысёра Міхаэля Празана гэтая гісторыя вядзецца ад унучкі зняволенага Асіі і пераплятае архіўныя матэрыялы і ўнікальныя сведчанні былых арыштантаў. Так што іх галасы нельга забываць.

Рэжысёр: Міхаэль Празан

Памер: 451 MiB
Працягласьць: 00:57:16.720
Відэа : , 700x506 16:9, 25.000 FPS, 966 kb/s
Аўдыё : 48.0 kHz, , 129 kb/s