Класным навагоднім падарункам для знатакоў анімацыі стаў новы айчынны мультфільм - «Дзед». На «Youtube» прагляды «Дзеда» ўжо на працягу пяці дзён перавалілі за тысячу. Фільм зняты па матывах вядомай народнай казкі пра старажытны звычай беларусаў адпраўляць старых людзей паміраць, завозячы іх у лес ці сплаўляючы на лодцы па рацэ. Адзін малады «рэфарматар» пашкадаваў свайго састарэлага бацьку і не адправіў на дакладную згубу, але схаваў ад суседзяў. І жыццёвы досвед пажылога чалавека неўзабаве выратаваў ад голаду ўсю вёску.
