У ролях: Гэнрык Бараноўскі (Henryk Baranowski), Войцех Клята (Wojciech Klata), Мая Камароўска (Maja Komorowska), Артур Барціс (Artur Barcis)

Пра фільм: Першы фільм з цыклу «Дэкалог» – гэта жыццёвая прыпавесць пра першую з дзесяці запаведзяў – запаведзь веры. Малы Павэл жыве з татам, выкладчыкам, чалавекам з крытычным розумам, які не верыць у існаванне душы, а лічыць, што ўсё можна палічыць і вымераць. Цётка ж Паўла, верніца, адказваючы на пытанні хлопчыка пра сэнс жыцця, расказвае яму пра Бога і веру. Але ніводзін з іх не ведае, якое выпрабаванне падрыхтаванае і цётчынай веры, і бацькавай рацыянальнасці.

Пра фільм: Другая частка цыклу Кшыштафа Кесьлёўскага прысвечаная другому запавету: не згадвай імя Бога без патрэбы. Дзеянне разгортваецца вакол Дароты Ґелер і загадчыка аддзялення лякарні, у якой ляжыць ейны муж, Анджэй. Анджэй цяжка хворы, а перад Даротаю стаіць няпросты выбар, які залежыць ад таго, ці выжыве муж. Таму жанчына патрабуе ад лекара дакладнага дыягназу, але хвароба Анджэя непрадказальная, і доктар не можа даць адназначнага адказу. Але ўрэшце доктар агучвае прысуд: Анджэй памрэ. Рашэнне прынятае, і застаецца толькі спадзявацца, што ўсё не было марна.

Пра фільм: Да смяротнага пакарання прысуджаны малады забойца таксіста. Перад выкананнем прысуду ён адкрывае адвакату свае жыццёвыя перажыванні, якія вытлумачваюць ягоныя незразумелы паводзіны. А за дзвярыма ўжо чакае кат...

Пра фільм: Галоўны герой, Ромэк, даведваецца, што ён ужо няздольны весці палавое жыццё. Ягоная жонка, Ганна, прымае гэтую навіну абсалютна спакойна. "Каханне -- гэта не 5 хвілінаў сапення ў ложку раз у тыдзень. Каханне ў сэрцы, а не між ног," -- кажа яна. І парывае кантакты са сваім каханкам, маладым студэнтам фізікі. Сведкам гэтае сцэны становіцца яе муж. Ганна абяцае Ромэку, што цяпер ужо заўсёды будзе казаць яму праўду, каб ён больш не мусіў стаяць і падслухваць за шафаю. Аднак у Ромэка ўглыбіні сэрца застаецца недаверлівасць, якая прыводзіць яго да самагубства.