<![CDATA[Баравік - У аповесці Караткевіча цэнзар зрабіў 296 правак]]> 2010-12-05T19:12:40Z PunBB https://baravik.org/topic/477/ <![CDATA[Працяг: У аповесці Караткевіча цэнзар зрабіў 296 правак]]> Я сабе купіў. У наступную суботу пагартаю. smile

]]> https://baravik.org/user/210/ 2010-12-05T19:12:40Z https://baravik.org/post/2233/#p2233 <![CDATA[Працяг: У аповесці Караткевіча цэнзар зрабіў 296 правак]]> Ээээ, прапусціла

]]> https://baravik.org/user/3303/ 2010-12-05T06:52:47Z https://baravik.org/post/2222/#p2222 <![CDATA[Працяг: У аповесці Караткевіча цэнзар зрабіў 296 правак]]> mash-by-mash напісаў:

пагартаць старонкі жадаю

заўтра а 13-й гадзіне...  smile

]]> https://baravik.org/user/2/ 2010-12-03T08:31:17Z https://baravik.org/post/2211/#p2211 <![CDATA[Працяг: У аповесці Караткевіча цэнзар зрабіў 296 правак]]> дзякуй за навіну. не ведаю ці жадаю набыць, але пагартаць старонкі жадаю.

]]> https://baravik.org/user/1324/ 2010-12-03T07:48:03Z https://baravik.org/post/2210/#p2210 <![CDATA[У аповесці Караткевіча цэнзар зрабіў 296 правак]]> У выдавецтве «Медысонт» выйшла ўнікальная кніга – аповесць Уладзіміра Караткевіча «Ладдзя Роспачы» – у арыгінальным выглядзе аўтарскага рукапісу.
http://nn.by/photos/s-12-10/2010-12-01-laddzia.jpg
У чытачоў ёсць магчымасць пабачыць на ўласныя вочы ўсе цэнзарскія, аўтарскія і карэктарскія праўкі, што былі зробленыя ў аповесці, калі яе рыхтавалі да друку. У двух варыянтах тэксту аповесці толькі цэнзарскіх правак назбіралася 296. Ідэя такога выдання, што дэманструе нам рэальнасць савецкае таталітарнае сістэмы і паказвае ўвесь творчы працэс навыварат, належыць Глебу Лабадзенку, літаратару і журналісту.

У кнізе прыведзеныя тры варыянты аповесці Караткевіча. Апроч саміх копіяў старонак Караткевічавага рукапісу ў кнізе ёсць 55 ілюстрацый, 27 з якіх друкуюцца ўпершыню, шматлікія фотаздымкі з ягонага сямейнага архіву і збораў сяброў, якіх яшчэ не бачыла шырокая публіка.

Шмат паспрыяў гэтаму выданню Рыгор Барадулін, які напісаў і прадмову да гэтае кнігі. Бо менавіта сябру Барадуліну ў 1964 годзе і прысвяціў сваю аповесць “Ладззя Роспачы” Караткевіч. У выданні ёсць фотакопія рукапісу, потым ідзе кніжны тэкст з праўкамі Караткевіча і цэнзара.

Ідэя ўзнікла ў Глеба Лабадзенкі, калі ён дазнаўся, што ў Васіля Сёмухі ёсць арыгінальны машынапіс аповесці Караткевіча, з якога ён рабіў пераклад на расійскую мову для часопіса “Нёман” за 1968 год. У параўнанні з тагачаснай публікацыяй ў часопісе Глеб Лабадзенка налічыў 153 цэнзарска-рэдактарскія праўкі! Пасля ўкладальнік выявіў у Цэнтральнай навуковай бібліятэцы імя Якуба Коласа чарнавыя накіды “Ладдзі” – чатыры рукапісныя аркушы. Яны таксама ўключаныя ў кнігу. Завяршаецца кніга аналізам правак, зробленых у творы падчас яго рэдагавання, аналіз выканаў Глеб Лабадзенка. Такім чынам перад намі паўстае амаль дэтэктыўная гісторыя змагання Майстра з цэнзураю. Кніга надзвычай важная не толькі для гісторыкаў літаратуры і філолагаў, але і для ўсіх, хто хоча адчуць дух таго часу, калі рэдактары выкідвалі з Караткевічавых радкоў слова “беларускі”…

Прэзентацыя “Ладдзі Роспачы” адбудзецца 4 снежня (субота) а 13-й гадзіне ў Мінску ў “Кніжным салоне” (Калініна, 5, метро “Парк Чалюскінцаў”). Абяцалі ўзяць удзел Рыгор Барадулін, Васіль Сёмуха, Генадзь Бураўкін, Уладзімір Арлоў, Сяргей Панізнік.

Прэзентацыя пройдзе ў межах кампаніі “Будзьма беларусамі!”.

Караткевіч Уладзімір. Ладдзя Роспачы. Навела / Першае непадцэнзурнае выданне: аналіз аўтарскіх і цэнзарска-рэдактарскіх правак. Уклад., ідэя, камент., аналіз Глеба Лабадзенкі ; прадмова Рыгора Барадуліна ; паслямова Васіля Сёмухі. – Мінск : Медысонт, 2010. – 148 с. : іл.

Наша Ніва

]]> https://baravik.org/user/2/ 2010-12-02T22:41:35Z https://baravik.org/post/2208/#p2208