Спектакль зпампаваны адсюль http://radiokultura.by/be/peredacha/radyyoteatr-plyus На сайце канала "Культура" Беларускага радыё ўсе запісы даступны не больш за месяц. Потым яны іх прыбіраюць.

А можна ўдакладніць? Як я ведаю, у гэтых запісах яшчэ ёсць "тэхнічныя" звесткі, накшталт застаўкі радыёперадачы, звестак пра выканаўцаў і г. д.
Але, калі за апошнія паўгады нічога не змянілася, то ў радыёпередачы "Радыётэатр плюс" пасля радыёспектакля ідзе яшчэ канцэрт класічнай музыкі. Ад паўгадзіны да гадзіны (з двух гадзін), залежыць ад даўжыні радыёспектакля і жадання аўтараў праграмы.
Можа, усё ж варта б крыху рэдагаваць зыходны файл з сайта канала "Культура", пакідаючы выключна радыёспектакль? (Пра "тэхнічныя" звесткі не кажу, у самога ляжыць архіў некаторых передач з канал Культура, якія няма часу апрацаваць.) Усё ж тады будуць якія 100 Мб замест 200 Мб. І калі параўнаць памеры файлаў не для аднаго радыёспектакля, а для 20/50/200, розніца будзе прыкметная.

Дарэчы, калі ёсць цікавасць - магу выкласці чытанні літаратурных твораў з канала Культура, у тым выглядзе, як было на іх сайце. Дзесь паўтары гады запісваў усё, што транслявалася.

Радыёкампазіцыя спектакля Нацыянальнага акадэмічнага тэатра імя Я. Купалы паводле аднайменнай п'есы Мікалая Матукоўскага.

Сатырычная камедыя беларускага драматурга Мікалая Матукоўскага «Мудрамер» расказвае пра таленавітага вынаходніка Мікалая Мурашку, які вынайшоў прыбор для вымярэння ступені чалавечага інтэлекту. Спрадвечна прыбор носіць назву «дурамер». Аднак міністр узгадненняў Вяршыла лічыць, што яна не зусім прыдатная, і нават крыўдная. Хто ж стане мераць сваю дурасць! Прыбор атрымлівае новую назву — «мудрамер». І новае заданне – мераць ступень мудрасці кожнага чалавека.
Праз паказ рознапланавых герояў узнікае сатырычнае бачанне такіх праблем у грамадстве, як бюракратыя, лянота, беспрынцыповасць, падхалімства, абыякавасць і хапужніцтва. Магчыма, «мудрамер» дапаможа людзям стаць лепш?
Спектакль быў адзначаны Дзяржаўнай прэміяй Беларусі ў 1988 г.